KARAHASAN NG NPA, BINATIKOS

Inilarawan ng isang military officer sa Camp Aquino, Tarlac na ang mga nakaraang pagsalakay ng mga teroristang NPA sa mga installations ng gobyerno at pribadong sektor sa South at Central Luzon ay isang uri ng Kademonyohan at pagka-arogante. Sa isang inilabas na pahayag, binatikos ni Lt. General Isagani Cachuela, Nortern Luzon Commander ng Philippine Army, ang pahayag ni Macario Liwanag, tagapagsalita ng NPA Narciso ANtazo Aramil Command ---na minaliit ang kampanya ng Gobyerno upang durugin ang insureksyon.

"I will not dignify his fabrications with statistical accounts of our internal security operations. We are definitely on track of our target goals, and we have the public to thank for their all-out support and cooperation in our campaign," sabi ni Cachuela.

Ipinagyabang ng NPA ang kanilang ginawang pagnanakaw ng assault rifle at apat na pistols sa isinagawang pagsalakay sa isang police outpost sa San Isidro, Norzagaray, Bulacan noong nakaraang Agosto 30, 2008 bandang alas 3:30 ng hapon . Ninakawan din ng mga ito ang security outpost sa Palmera Homes sa San Jose Del Monte City.

Sinabi ni Cachuela na ang walang habas na terorismong ihinahasik ng mga NPA ay nagpapatunay lamang na wala silang kaibahan sa mga karaniwang kriminal na dapat panagutin sa mga krimeng kanilang isinagawa.

MINAHAN NILUSOB, PINASABOG NG NPA

Nilusob at pinasabog ng Teroristang Grupong NPA ang isang Mining Company kamakailan sa COMPOSTELA VALLEY. Batay sa ulat, dakong alas 11:00 ng umaga nang lusubin ng mga NPA ang GOLD ORE Mini Plant sa Barangay Panganason, Pantukan na pag-aari ng isang nagngangalang Bobong Tahadlangit.

Napag-alamang pinamunuan ng isang KUMANDER YASSER ADONA ang sumalakay na mga NPA sa minahan. Kaagad na hinagisan ng granada ng mga manliligalig na NPA ang minahan bago walang habas na nagpaputok ng baril ang mga ito.

Lumitaw sa imbestigasyon na hindi pumayag ang may-ari ng minahan sa EXTORTION ACTIVITIES ng mga NPA kung kaya isinagawa ng mga ito ang pananakot at pagpasabog ng granada.